09 желтоқсан 2015 | 10:18

Алматы облысында полицей пара ретінде ойыншық машина талап еткен

Алматы облысында пара ретінде ойыншық машина алған полицей сотталды, - деп хабарлайды Tengrinews.kz тілшісі облыстық соттың баспасөз қызметіне сілтеме жасап.

Алматы облысында пара ретінде ойыншық машина алған полицей сотталды, - деп хабарлайды Tengrinews.kz тілшісі облыстық соттың баспасөз қызметіне сілтеме жасап.

Баспасөз қызметінің мәліметінше, Панфилов аудандық соты Алматы облыстық ІІБ әкімшілік полициясы жол патрулінің инспекторы Е.Атамбаевқа қатысты сот үкімін шығарды. Сот полицейдің жүргізушіні көлік басқару құқығынан екі жылға айыру туралы хаттаманы толтырмау үшін құны 35 мың теңге тұратын және пультпен басқарылатын ойыншық машинаны пара ретінде алғанын анықтады.

Сот отырысында полицей кінәсін толық мойындады. Сот үкімімен Атамбаев айыпты деп танылды. "Оны үш жылға бас бостандығынан айыру және мүлкін тәркілеу, сонымен қатар, өмір бойы мемлекеттік органдар мен жергілікті өзін-өзі басқару органдарында қызмет ету құқығынан айыру түріндегі жаза тағайындалды", - деп хабарлады соттағылар. Сот үкімі заңды күшіне әлі енген жоқ.

Үкім Алматы облысы Пара Сот төрелігі соңғы жаңалықтар Сыбайлас жемқорлық қазақ тілінде жаңалықтар қазақша жаңалықтар сайты Құқық қорғау органдары Алматы

TENGRI travel