Алматы облысында полицей пара ретінде ойыншық машина талап еткен

09 Желтоқсан 2015, 10:18
0
Алматы облысында полицей пара ретінде ойыншық машина талап еткен - © Tengrinews.kz
© Tengrinews.kz

Алматы облысында пара ретінде ойыншық машина алған полицей сотталды, - деп хабарлайды Tengrinews.kz тілшісі облыстық соттың баспасөз қызметіне сілтеме жасап.

Баспасөз қызметінің мәліметінше, Панфилов аудандық соты Алматы облыстық ІІБ әкімшілік полициясы жол патрулінің инспекторы Е.Атамбаевқа қатысты сот үкімін шығарды. Сот полицейдің жүргізушіні көлік басқару құқығынан екі жылға айыру туралы хаттаманы толтырмау үшін құны 35 мың теңге тұратын және пультпен басқарылатын ойыншық машинаны пара ретінде алғанын анықтады.

Сот отырысында полицей кінәсін толық мойындады. Сот үкімімен Атамбаев айыпты деп танылды. "Оны үш жылға бас бостандығынан айыру және мүлкін тәркілеу, сонымен қатар, өмір бойы мемлекеттік органдар мен жергілікті өзін-өзі басқару органдарында қызмет ету құқығынан айыру түріндегі жаза тағайындалды", - деп хабарлады соттағылар. Сот үкімі заңды күшіне әлі енген жоқ.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай