+7 (777) 001 44 99
Қазақша
Русский
English
Әлеуметтік желілерде тас төсеуіште жүрген жыланның видеосы тарап жатыр. Куәгерлердің айтуынша, ол Алматыда түсірілген. Орман шаруашылығы және жануарлар дүниесі комитетіндегілер жыланның адамдарға қаупі бар-жоғы туралы пікір білдірді, - деп хабарлайды Tengrinews.kz тілшісі.
Мессенджерлер мен әлеуметтік желілерде жылан түсірілген видео тарап жатыр. Ролик ботаникалық саябақта түсірілген болуы мүмкін. Пайдаланушылар жылан адамға қауіпті ме деп алаңдады.
ҚР АШМ Орман шаруашылығы және жануарлар дүниесі комитетіндегілер видеоға қатысты пікір білдірді. Мамандар тұрғындардан жыланнан қорықпауды және оны өлтірмеуді сұрады.
"Алдын ала болжам бойынша бұл улы жылан емесс. Бұлар - Алматының кәдімгі тұрғындары. Адамдар табиғат пен оны мекендеушілерге қамқорлық көрсетуі керек. Егер табиғатта жабайы жануарлар, құстар немесе жылан көрсеңіздер, қасынан өтіп кетіңіз", - деді комитеттің баспасөз хатшысы Сәкен Ділдахмет.
Қазақстан жаңалықтары. Соңғы жаңалықтар. Telegram желісінде бізге жазыл!
