+7 (777) 001 44 99
Қазақша
Русский
English
Қазақстандық Әділет Тиканов пен Камила Құртынбаева "Украина мае талант" шоуында акробаттық қойылыммен қазылар алқасын таңғалдырды, - деп хабарлайды Tengrinews.kz тілшісі.
Ерлі-зайыпты жұп қойылымдарында өздерінің махаббат хикаясын көрсетеді. "Мен 16 жасымда ең алғаш рет циркке келдім. Барлығы жаңа болғандықтан қатты абдырап қалдым. Барьерде Камила жатыр екен. Оның жаттықтырушымен сөйлесіп жатқанын байқап қалдым. Сол кезден бастап ол маған қатты ұнады", - деді Тиканов.
Осыдан кейін жас жұп кездесе бастап, артынша үйленіпті. Енді олар бірге өнер көрсетіп жүр. Қазақстандық акрабаттардың жарқын әрі романтикалық қойылымдары көрермендерді де, "Украина мае талант" шоуының әділ қазыларын да таңғалдырды. Олар жас жұпты келесі кезеңге өткізуге бірауыздан шешім қабылдады.
