+7 (777) 001 44 99
Қазақша
Русский
English
Астана көшелерімен Қазақстанның Мемлекеттік туы алып өтілді, - деп хабарлайды Tengrinews.kz тілшісі. Астанада мемлекеттік рәміздерді дәріптеу мақсатында жалпыұлттық форум өтті.
Форум аясында жастар Қазақстан Республикасының мемлекеттік рәміздермен (ту, елтаңба) елорда көшелерінде шеру өткізді. Шеруге ҚР Елтаңба авторы Жандарбек Мәлібеков қатысты.
Шараға 500-ге жуық астаналық қатысты. Айта кетейік, тудың ені 10 метр, ұзындығы 20 метр болды.
"(...) Туды алып жүрудің маңызы зор. Сондықтан да Олимпиада сияқты ірі шаралар Туды алып жүруден басталады. Мемлекеттік рәміздің ролі өте зор, сондықтан да шеру осыған арналды", - деді ҚР Білім және ғылым вице-министрі Тахир Балыбаев.
Форум Қазақстанның эстрада жұлдыздарының қатысуымен өткен концертпен аяқталды.
