Астана көшелерінде жалаңаш ер адам серуендеп жүр 17 мамыр 2015, 17:44
Астанада орта жастағы ер адамның жалаңаш жүргені бейнеленген видеоны қолданушылар Instagram әлеуметтік желісіне жүктеді, - деп хабарлайды Тengrinews.kz тілшісі.
Видеожазбада ер адам еш қымсынбастан жалаңаш денесімен елордадағы Уәлиханов атындағы көшенің бойымен кетіп бара жатады. Оның артынан көшедегі адамдар айғайлайды, бірақ ол мән бермей, серуенін жалғастыра береді.
Ер адамның бұл әрекетке не үшін барғаны және мұндай түсініксіз үрдісті кімдердің ұйымдастырып жүргені әзірше белгісіз. Ер адамның қайда бара жатқаны да айтылмай отыр.
18 жасқа толмағандарға видеоны көруге тыйым салынады.
- ПОДЕЛИТЬСЯ