1. Басты
  2. Біл
  3. Өмір
  4. Бір үзік

Астанада "Бәйтерек" монументінің қайта жөндеу жұмыстарына 2 миллиард теңге жұмсалды22 қараша 2017, 14:01

© Тұрар Қазанғапов © Тұрар Қазанғапов

Астанадағы "Бәйтерек" монументінің қайта жөндеу жұмыстарына қанша қаражат жұмсалғаны жарияланды, - деп хабарлайды Tengrinews.kz тілшісі. 

Экономика және бюджеттік жоспарлау басқармасының басшысы Ерғали Егемберді Астана маслихатының отырысында елорданың басты символына айналған ғимаратқа жұмсалған қаражат туралы айтты. 

"Биыл мәдениет нысандарына үш миллиард теңге бөлінді. "Бәйтерек" мұнарасын қайта жөндеу жұмыстарына 2 миллиард теңге жұмсалды. Әлеуметтік атаулы шараларды өткізуге - 307 миллион теңге бөлінді", - деді Ерғали Егемберді.

"Бәйтерек" монументі 2017 жылы қаңтарда жабылған еді. Астананың басты символына айналған нысан маусым айында ашылды.