+7 (777) 001 44 99
Қазақша
Русский
English
Астана тұрғындары үш күндік демалыстан соң әлеуметтік желілерде маса қаптап кеткеніне шағымданып жатыр, - деп хабарлайды Tengrinews.kz тілшісі.
"Неліктен Ұлы Дала даңғылында маса қаптап кеткен? Оларды улап өлтірмеген бе? Кім біледі?", - деп жазған астаналық әйел Facebook желісіндегі топтардың бірінде.
Қаланың басқа тұрғындары да Астана күніне дейін соншалық көп масаның болмағанын жазып жатыр.
Ал Астана әкімдігінің өкілдері өз кезегінде жәндіктерді улау бойынша жұмыстардың сәуір және мамыр айларында өтіп кеткенін хабарлады.
Ведомство мәліметінше, 28 маусым - 4 шілде аралығында тағы қосымша жұмыстар жүргізілді: 210,70 гектар жерде жұмыстар жүргізілді.
"28 маусымда үшінші тур басталды, бүгінде 1 372 гектар өңделді, жалпы осы жұмыстарды 15 шілдеге дейін - 1 787 гектар жерді аяқтау жоспарланып отыр", - деп түсіндірді әкімдіктің баспасөз қызметіндегілер.
