Австралиялық боксшы кіші Дэвид Браун филиппиндік Карло Магалимен өткізген жекпе-жегі барысында алған жарақаттарынан көз жұмды, - деп хабарлайды Lenta.ru Sky News Australia басылымына сілтеме жасап.
Жекпе-жек 11 қыркүйек күні австралиялық Инглбернде өтті, кездесуде филиппиндік боксшы 12-раундта нокаутпен жеңді.
"Жекпе-жек аяқтала сала 28 жастағы Браун бассүйек-ми жарақатымен ауыр халде ауруханаға жеткізілді. Дәрігерлер оған тыныс алу аппаратын жалғап, өмірі үшін үш күн күресті, алайда кеше, 14 қыркүйек күні боксшы көз жұмды", - делінген жарияланымда.
Айта кетейік, Браун кәсіби алаңда 25 жекпе-жек өткізген, олардың 22-нде жеңіске жетті. Өткізген кездесулерінде екі рет жеңіліп, бір рет тең түскен.