+7 (777) 001 44 99
Қазақша
Русский
English
Даниялық 22 жастағы Нильс Дженсен Аустралиядағы жабайы табиғат саябағына саяхат кезінде қолтырауынға жасаған қауіпті трюгін достарымен бірге видеоға түсірген, - деп хабарлайды Tеngrinews.kz тілшісі The Sun басылымына сілтеме жасап.
Турист 4,7 метрлік қолтырауынға валлаби (кенгуру тұқымдас кішкентай жануар) беріп, тамақтандырған, жыртқыш тамағын жей бастағанда Нильс оның арқасына отырып алды.
Ер адамның айтуынша, бұл әрекет өте көңілді бірақ, өте қауіпті болды. Дженсеннің сөзіне қарағанда, ол Аустралияға келгенше қолтырауындарды көрмеген.
Аустралия билігі туристі айыптады. "Видеодағы әрекет қауіпті әрі аңдамаушылыққа жатады және біз қолтырауынға бұлай істеуді құптамаймыз", - деді жабайы табиғат бөлімі директорының міндетін атқарушы Трейси Дулдиг.
