"Бірнеше адам қайтыс болды". Желіде Нұр-Сұлтанда "түсірілген" жалған видео тарады

WhatsApp және әлеуметтік желілерде Нұр-Сұлтанда бірнеше адам жиналып, қысылысып, салдарынан бірнеше адам қайтыс болғаны туралы видео тарады, - деп хабарлайды Tengrinews.kz тілшісі.

Оқиға желісі бойынша, бірнеше адам жиналып, салдарынан "бес адам қайтыс болып, үшеуі жансақтау бөліміне түскен". Видео жазбасында бұл Нұр-Сұлтанда болған жағдай делінген. Алайда Stopfake.kz мәліметінше, бұл оқиғаның Қазақстанға қатысы жоқ.

Қайғылы оқиға Боливияда Эль-Альто университетінде болған. Экономика, қаржы және әкімшілік ғылымдар факультетінің студенттері жиналысқа бара жатқан.

Видео Нұр-Сұлтанда түсірілгені туралы мәлімдеме - фейк. Оны видеода адамдардың не қазақша, не орысша сөйлемейтінінен де байқауға болады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!