Филиппинде қайтыс болған қыз жерлеу рәсімі кезінде тіріліп кетті, - деп хабарлайды "Газета.Ru" шетелдік ақпарат құралдарына сілтеме жасап.
Қыз бала безгекпен ауырып, 11 шілде күні ауруханаға жатқызылған. Келесі күні дәрігерлер оның қайтыс болғанын анықтайды. Сәбидің ата-анасы 13 шілде күні қызының жаназасын шығармақ болады. Рәсімге дайындалып жатқан кезде көршілердің бірі табыттағы қыздың қозғалғанын байқайды.
"Марқұмның" туыстары оның жүрек қағысын тексеріп, тірі екеніне көз жеткізеді. Дәрігерлер өліп-тірілген қызды тексерді, қазір ол үйіне жіберілді. Науқастың ата-анасы оған білікті мамандарды іздестіріп жатыр.
