+7 (777) 001 44 99
Қазақша
Русский
English
Астанадағы үйлердің бірінің ауласына ілінген даулы плакаттың авторы ұсталды, - деп хабарлайды Tengrinews.kz тілшісі.
"Мы закрылись от Вас забором, т.к. считаем себя высшим классом, ну а Гуси свиньям НЕ СОСЕДИ!!!" - такая надпись находилась на баннере, который появился на заборе жилого комплекса по адресу: Сауран, 18 (орфография мен пунктуация сақталған)."
Бұл үйдің тұрғындарының айтуынша, баннер өткен аптада пайда болған, алайда келесі күні жоғалып кеткен, ал оқиға орнында полиция қызметкерлері мәтін авторын іздеген.
Жергілікті тұрғындар тілшімізге зәулім тұрғын үй кешенін қоршап тұрған қақпаның кесірінен көрші үйдің тұрғындары Сауран көшесіне шыға алмай қалғанын, сондықтан қашықтағы айналма жолдан өтуге мәжбүр болғанын айтып берді. Соған қарағанда, біреулер осыған байланысты қақпаға осы баннерді ілген көрінеді.
Ал кейінірек елордалық ІІД баспасөз қызметінің өкілдері жедел-іздестіру шараларының барысында криминалдық полицияның баннер авторын тапқанын хабарлады. Полиция мәліметінше, ол көрші үйдің тұрғыны болып шыққан, тұрғын баннерді өзі ілгенін мойындапты.
Сонымен қатар, жедел шаралар барысында полицейлер баннер бейнеленген видеоны таратқан ер адамды анықтапты. Оған қатысты тексеріс жүріп жатыр және оның қорытындысы бойынша процессуалдық шешім қабылданады екен.
Қазіргі уақытта полицейлер ҚР Қылмыстық кодексінің 174-бабы ("Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру") бойынша соталды тергеу жүргізіп жатыр.
"Астана ІІД азаматтардың есіне жалған мәліметті таратудың жауапкершілік арқалататынын ескертеді", - делінген хабарламада.
