+7 (777) 001 44 99
Қазақша
Русский
English
Мысықтарға арналған тұңғыш қонақүй Иракта ашылды, деп хабарлады Lenta.ru порталы Reuters басылымына сілтеме жасап.
Порталдың мәліметінше, болашақ мал дәрігері Ахмед Тахер Маки есімді студент өз үйін мысықтарға арналған қонақүйге айналдырды. Оның айтуынша, мұндай қонақүй Иракта бұрын-соңды болмаған.
"Мысықтарға арналған қонақүй Ирактың оңтүстік-шығысындағы Басра қаласында орналасқан. Қонақүйде бір түн түнеп шығудың ақысы - бес мың динар (шамамен 240 рубль). Оның ішіне тамағы, ұйықтайтын орны, медициналық тексеру мен ойын алаңы кіреді", - делінген жарияланымда.
Макидің айтуына қарағанда, ол осылайша адамдарды мысықтарды үйге алуға шақырмақшы. "Жануарларға қамқорлық жасау адамдардың жүрегінің шапағатқа толы болуына жол ашады", - деді ол.
