Қайрат Нұртастың директоры әншінің концертіне билет алуды мәжбүрлейтін әкімдік "құжаты" туралы пікірін білдірді

15 Желтоқсан 2016, 16:58
0
Қайрат Нұртастың директоры әншінің концертіне билет алуды мәжбүрлейтін әкімдік "құжаты" туралы пікірін білдірді - © Comode.kz
© Comode.kz

Әкімдік өкілдері және Қайрат Нұртастың директоры 21 желтоқсан күні "Алматы Аренада" өтетін әнші концертіне билет сатып алу керектігі туралы қағаздың суреті жалған екендігін айтты, - деп хабарлайды Tengrinews.kz тілшісі.

Медеу ауданының әкімдігі таратты делінген "құжатта" Алматының бірнеше ауруханасының дәрігерлеріне 14-15 желтоқсан күндері Қайрат Нұртастың концертіне жалпы соммасы 787 мың теңгені құраған билеттерді сатып алу өтініші айтылады.

Әкімдікте бұл ақпаратты жоққа шығарды. "Медеу ауданының әкімдігі әлеуметтік желіде тараған "құжаттың" жалған екенін ескертеді. Мұндай шаралармен әкімдік айналыспайды. Қайрат Нұртас Қазақстанда өте танымал әнші және қандайда бір промоушенді қажет етпейді", - дейді әкімдік өкілдері.  

Өз кезегінде әртістің директоры Лаура Сейітбекова әншінің концертіне билеттер ешқашан мұндай жолмен таратылмағанын айтады. "Бізде билет сату арнайы сайттар арқылы жүргізіледі және ұйымдастырушылардың өзі кеңселерде сатады. Біз біреулердің Қайратқа бөгет болып, дау тудырғысы келіп жүрген әрекетін көріп тұрмыз", - дейді ол. 

Оның айтуынша, әкімдік ұйымдастырушылық қолдау білдіреді, бірақ бұл сыртқы жарнамаға ғана қатысты. "Әкімдік билет сатумен айналыспайды. Бізде билеттер өтімі жақсы. Ондай көмек сұрауға жөн жоқ. Ешкімді мәжбүрлемейміз. Сосын бізде дәстүр бар - Қайрат жыл сайын балалар үйін аралап, концертіне билетін тегін таратады. Сосын қаншамасы әріптестер, таныстар мен туыстарға таратылады. Концертте Қайраттан өзге қазақстандық әртістер болады. Келіп бәрін өз көздеріңізбен көріңіздер", - дейді Сейітбекова.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай