+7 (777) 001 44 99
Қазақша
Русский
English
"Қазақстан аруы-2015" Әлия Мергенбаева Қазақстан Президенті Нұрсұлтан Назарбаевпен Астанадағы жаңажылдық кеште билегені жайлы айтып берді, - деп хабарлайды "Лада".
Әлия Мергенбаеваның айтуынша, ол Мемлекет басшысымен билеймін деп ешқашан ойламапты. Қыз биге екі күн бойы дайындалғанын айтты. "Билеп жатқанымызда Нұрсұлтан Әбішұлы отбасым мен оқуым жайлы сұрастырды. Конкурста жеңіп шыққаныма құттықтап, сәттілік тіледі. Түс көріп жатқандай болдым. Бала кезімде дәл осылай болады деп ойламаған да едім", - дейді "Қазақстан аруы-2015".
Мергенбаева оқуын тастамайтынын, соңына дейін оқып бітіретінін айтты. Алайда оған Астана мен Алматыдан түрлі фотосессияларға, бағдарламаларға қатысуға шақыртулар келеді екен. "Оқу кезінде басқа қалаларға қажеттілігі туындап жатқанда баратын шығармын, бірақ мен оқуымды тастамаймын. Мен білім алып, дипломымды алғым келеді", - деді Мергенбаева.
