+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алда келе жатқан Жаңа жыл мерекесіне қазақстандықтардың қандай сыйлықтарды көп алатынын және қандай көлемдегі соманы жұмсауға дайын екенін анықтау үшін Kompetenz сақтандыру компаниясының ақпараттық-талдау орталығы сауалнама жүргізді, - деп хабарлайды Tengrinews.kz тілшісі. Сауалнама нәтижесінде оңтүстік пен солтүстік астана тұрғындарының мерекеге қандай сыйлықтар дайындап қойғаны анықталды.
Алда келе жатқан Жаңа жыл мерекесіне қазақстандықтардың қандай сыйлықтарды көп алатынын және қандай көлемдегі соманы жұмсауға дайын екенін анықтау үшін Kompetenz сақтандыру компаниясының ақпараттық-талдау орталығы сауалнама жүргізді, - деп хабарлайды Tengrinews.kz тілшісі. Сауалнама нәтижесінде оңтүстік пен солтүстік астана тұрғындарының мерекеге қандай сыйлықтар дайындап қойғаны анықталды.
Сауалнамаға Алматы мен Астана қаласының 18-65 жас аралығындағы тұрғындары қатысты. Қатысушылар Жаңа жылда ең жақын туыстарына қандай және қаншалықты қымбат сомадағы сыйлық сыйлауға дайын екенін айтты.
Сауалнама нәтижесіне қарағанда, адамдардың Жаңа жыл мерекесіне арналған сыйлықтарға орташа есеппен 17 450 теңге жұмсайтыны анықталды.
Респонденттердің 24 пайызы тұрмыстық техника мен заманауи гаджет сыйлаймыз десе, 14 пайызы - ойыншықтар, 12 пайызы - тәттілер, 10 пайызы - иіссулар мен косметика, 7 пайызы - сыйға берілетін сертификаттар, 3 пайызы - әшекей және бағалы бұйымдар мен 1 пайызы туристік жолдама сыйлайтынын айтқан. Сонымен қатар сауалнамаға қатысқандардың әрбір төртіншісінің (24 пайыз) ешкімге ешқандай сыйлық сыйламайтыны белгілі болды, ал қатысушылардың 6 пайызы туыстарына сыйлықты өз қолдарымен жасап беретінін айтты.
Еске сала кетейік, бұған дейін қазақстандықтардың осы жылы миллиондаған долларға шампан мен мандарин сатып алғанын хабарлаған болатынбыз.
