22 қыркүйек 2017 | 10:10

Леонардо ДиКаприо жолбарыстардың Қазақстанға қайтарылуына қатысты ақпаратты бөлісті

Мөлдір Қалықова

Голливуд актері Леонардо ДиКаприо Instagram желісіндегі парақшасында Қазақстанның жолбарыстарды қайтаруына қатысты ақпаратты бөлісті, - деп хабарлайды Tengrinews.kz тілшісі.

Голливуд актері Леонардо ДиКаприо Instagram желісіндегі парақшасында Қазақстанның жолбарыстарды қайтаруына қатысты ақпаратты бөлісті, - деп хабарлайды Tengrinews.kz тілшісі.

"Сіздер естідіңіздер ме? Қазақстан осыдан жарты ғасыр бұрын жоғалып кеткен жабайы жолбарыстарды Орта Азияға қайтарайын деп жатқан алғашқы ел! Жабайы жолбарыстар бір кездері шығыс Түркиядан бастап Бали аралдарына дейінгі аумақтарда жүре беретін. Бірақ қазіргі уақытта олардың саны 90 пайызға азайды. Қазақстанның жолбарыстарды қайта жерсіндіруге (реинтродукциялауға) қатысты жоспарлары олардың тіршілік ортасын қорғап, Tx2 жоспарын орындауға көмектеседі", - делінген жазбада.

Публикация от Leonardo DiCaprio (@leonardodicaprio) Сен 21 2017 в 4:24 PDT

Осыған дейін ҚР ауыл шаруашылығы министрі де осы мәселеге қатысты пікір білдірген болатын. "Қазақстан жасыл даму жолын ұстанады. Біз үшін өз жерімізге жолбарысты қайтарып, осынау маңызды және ауқымды жобаны іске асыратын бірінші ел болу үлкен мәртебе. Сондай-ақ, біз үшін бағдарлама барысында Іле-Балқаш аймағының экожүйесі де толығымен қалпына келтірілетінді де маңызды болып отыр", - деген еді Асқар Мырзахметов.

Жануарлар Ди Каприо Леонардо

TENGRI travel