+7 (777) 001 44 99
Қазақша
Русский
English
Қазақстан Президенті Нұрсұлтан Назарбаев қандай жағдайларда смартфон мен интернет қолдатынын айтты, - деп хабарлайды Tengrinews.kz тілшісі.
Ақордадағы баспасөз мәслихаты кезінде "Еуразия" Бірінші арнасының тілшісі Юлия Ласеева кеше ғана Мемлекет басшысының қазақстандықтарды смартфон үйренуге шақырғанын еске салып, Нұрсұлтан Назарбаевқа былай деп сұрақ қойды: "Өзіңізді смарфтон қолдана аламын деп есептейсіз бе және құпия болмаса қандай қосымшаларды қолданасыз?".
"Әрине, қараймын, жұмыс істеймін, sms қабылдаймын, телефон нөмірімді берейін бе?", - деп әзілдеп жауап берді Елбасы. Осы жауаптан кейін залдағылар күлді. Алайда ары қарай Президент әзілсіз жауап қатты: "Шынымды айтсам, қызығып қолдануға мүмкіндік бола бермейді. Алайда заманауи құрылғыларды қолданып, Интернетке кіру керек. Алайда өзіме қажетті мәліметтің бәрі бар. Қажет кезінде ғана іздей бастаймын. Өз заманымызда қарауға емес, оқуға үйренгенбіз, жастар қазір сол жақта отырады. Жастардың кітап оқымайтыны өкінішті, біздің кезде бәрі оқитын едік", - деп атап өтті Елбасы.
