04 қазан 2018 | 09:08

Перзентхананың төртінші қабатына арнайы техникамен шыққан атыраулық жұртты таңғалдырды

Ардақ Құлтаев

Әлеуметтік желілерде атыраулық ер адамның музыка қосып, төменде жиналып тұрған туған-туыстарының айғай-шуымен перзентхананың төртінші қабатына биікке көтеретін техниканың көмегімен шыққан видеосы тарап жатыр, - деп хабарлайды "Ақ Жайық".

Әлеуметтік желілерде атыраулық ер адамның музыка қосып, төменде жиналып тұрған туған-туыстарының айғай-шуымен перзентхананың төртінші қабатына биікке көтеретін техниканың көмегімен шыққан видеосы тарап жатыр, - деп хабарлайды "Ақ Жайық".

Ер адамның бұл әрекетін қолданушылар түрліше бағалап жатыр. "Арнайы техниканы перзентхана территориясына кім кіргізген? Әйелдер бала босанып, қазір тойлайтындай жағдайда емес", - деп біреуі жазса, ал кейбірі ер адамның әйеліне керемет тосынсый жасағанын жазған.

Басылым тілшісі денсаулық сақтау басқармасының баспасөз қызметінен перзентханада мұндай мереке ұйымдастырудың дұрыс-бұрыстығын сұраған. Ведомстводағылар өз кезегінде босанған әйел мен сәбиді перзентханадан шығарып алудың қандай да бір ережесі жоқтығын, сондықтан "ойналып көру керек" екенін айтып жауап қатқан.