+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Полиция Шымкенттегі тойда мастар сияқты билеген бала жайлы видеоны зерттеді, - деп хабарлайды Tengrinews.kz тілшісі Оңтүстік Қазақстан облыстық ІІД өкілдеріне сілтеме жасап. Ролик авторының қойған тақырыбына қарағанда, оқиға Шымкенттегі "Ақжол" кафесінде болған және бала мас болған делінеді.
Полиция Шымкенттегі тойда мастар сияқты билеген бала жайлы видеоны зерттеді, - деп хабарлайды Tengrinews.kz тілшісі Оңтүстік Қазақстан облыстық ІІД өкілдеріне сілтеме жасап. Ролик авторының қойған тақырыбына қарағанда, оқиға Шымкенттегі "Ақжол" кафесінде болған және бала мас болған делінеді.
Полицияның мәліметінше, кәмелетке толмаған жасөспірімнің видеода мас күйде болғаны туралы дерек расталмады. "2016 жылдың 23 қаңтарында YouTube видеохостингінде "Пьяный мальчик танцует. Шымкент, кафе "Акжол" деген тақырыппен видео пайда болды, онда кәмелет жасына толмаған жасөспірімнің Шымкентте мас адам секілді билегені бейнеленген. Полицейлердің тексерісінің барысында той шарасында кәмелетке толмаған жасөспірімнің мас күйде болғаны туралы дерек расталмады", - деп хабарлады полициядағылар.
ІІД өкілдері кафенің әкімшілігі оқиғаның қашан болғанын айта алмаған, мекеме жұмысшылары кафеде алкоголь сусындарын кәмелет жасына толмағандарға сатуға қатаң түрде тыйым салынғанын және кәмелетке толмағандардың шараларда тек ересектердің қарауында болатынын мәлімдеген.
"Сонымен қатар, видеоролик авторын анықтау мүмкін болмады, себебі Абылайхан Ибрагим ҚР ІІМ тіркеу және құжаттандыру базасындағы мәліметтер бойынша тіркеуден өтпеген және құжат алмаған. Қазіргі таңда тәртіп сақшылары кәмелетке толмаған жасөспірімді анықтау бойынша шаралар жүргізіп жатыр", - деп хабарлады ІІД өкілдері.
