+7 (777) 001 44 99
Қазақша
Русский
English
Қостанай облысы Ұзынкөл АІІБ кәмелетке толмағандар ісі бойынша учаскелік инспекторы Аңсар Мұхтаров "Леди полиция" әнін жаздырып, "Вконтакте" желісіндегі парақшасына жариялады. Полиция капитаны рэп стиліндегі тректі органдарда қызмет ететін әйелдерге арнады. Әрине, өзінің жұбайы Жаннаға да, ол тергеуші болып қызмет етеді, - деп хабарлайды Tengrinews.kz тілшісі.
Аңсар Мұхтаровтың айтуынша, ол "Леди полиция" әнін жазуды бір жыл бұрын қолға алған. Ол кезде полицей бар болғаны әннің бір шумағын жазып қойып, мәтінді жазу жұмыстарын кейінге қалдырыпты. Таяуда полицей әннің сөзін жазып аяқтады, ресейлік музыканттар оған арнап әнін арнайы жазды.
"Леди полиция" Аңсардың музыкалық қоржынындағы 47-нші ән. Барлығының стилі - лирикалық рэп. "Менде музыкалық білім жоқ, бірақ мен фортепианода ойнауды өздігімнен үйрендім, - дейді Аңсар. - Музыкаға әуестігім студент кезімнен басталды, ол кезде Ақтөбе заң колледжінде оқитынмын, кейін жұмысқа шығып, хоббиімді ұмыттым", - дейді ол.
© vk.com
"2012 жылы Қылмыстық іздестіру күнін атап өткенде "Полиция.kz" әнін жазып, сахнада әріптестеріммен бірге орындадым, кейін тағы бір ән жаздым, атауы - "Сағаттық жолдар", сол әнмен ҚР ІІМ ұйымдастырған шығармашылық байқауда жеңіске жеттім", - деді полицей.
© vk.com
Полицейдің айтуынша, музыка ол үшін бар болғаны хобби, жанның әуестігі. Ол әндерін жұмыстан қолы босаған кезде жазады. Биыл полицей "Мен аңызбын" әніне бірінші бейнебаянын түсірді. Әнде ол өзі жайлы айтады. Видеоны Челябі клипмейкерлері түсірген, полицей оларды Қазақстанға түсірілім үшін арнайы шақыртыпты. "Көршілердің көмегіне жүгінуге тура келеді, себебі қостанайлық студиялардың қызмет құнын қалтам көтермейді. Бүгінгі таңда екінші бейнебаянымды түсіру туралы идеяммен жұмыс істеп жатырмын - "Күзгі сюжет" әніне", - деді Аңсар Мұхтаров.
Келесі жылы полицей өзінің тұңғыш әнжинағын шығаруды жоспарлап отыр, оған ең үздік 13 әні жазылады.
© vk.com
