+7 (777) 001 44 99
Қазақша
Русский
English
Қытайдың кунг-фу шебері, актер әрі режиссер Донни Йен бокстан әлем чемпионы Майк Тайсонның саусағын сындырды, - деп хабарлайды Vesti.kz BoxingScene.com басылымына сілтеме жасап. Оқиға "Ип Ман" фильмінің үшінші бөлімін түсіру кезінде болды.
Порталдың мәліметінше, Тайсон Йенмен төбелес қойылымын көрсетіп жатқанда саусағын сындырып алған. Йен оны шынтағымен ұрыпты.
"Боксшы алған жарақатына қарамастан, қойылымның толықтай түсіріліп бітуін қалады, сөйтіп дәрігерлердің оның саусағын қарауына түсірілімнен кейін ғана рұқсат етті. Медициналық тексеруден өткеннен кейін ол қалжыңдап "мені ешкім жұбатқан жоқ, басында бәрі Йеннің қауіпсіздігі үшін алаңдады, мен оны жарақаттап тастамаса екен деп", деді", - делінген жарияланымда.
Айта кетейік, "Ип Ман" фильмінің бірінші бөлімі - жартылай биографиялы, ол 2008 жылы шыққан. Фильм әскери өнерді үйрететін шебердің өмірі жайында. Ип Ман шәкірттерінің арасында Брюс Ли де бар.
