+7 (777) 001 44 99
Қазақша
Русский
English
Шымкент тұрғыны көлігінің бамперін сырып кеткен жүргізушінің әрекетіне тәнті болды. Айыпты ақша мен хат қалдырған. Бұл туралы Instagram желісіндегі shymkent.city парақшасында хабарланды.
"Кешіріңіз, өтінемін. Сіздің бамперіңізді сырып кеттім, байқамай қалыппын. Бұл ақша аз болса, хабарласыңыз", - деп жазған жүргізуші 2 мың теңге қыстырып кеткен.
Көлік иесі бамперінің болмашы ғана сырылғанын хабарлады. "Саналы азамат екен, рақмет. Ал сіздер адамдар зұлым дейсіздер. Осындай адал ісі үшін телефон да соқпадым. Жолдарыңыз болсын", - деп жазды ер адам. Осы жазбаға көптеген қолданушы ер адамның ісіне тәнті болғанын жазып жатыр.
