+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Сирия азаматы Жамбыл облысы әкімі Кәрім Көкірекбаевтан көмек сұрады, - деп хабарлайды Tengrinews.kz тілшісі. Бұл туралы облыс басшысы ҚР Президенті жанындағы Орталық коммуникация қызметінде өткен брифингте айтты.
Сирия азаматы Жамбыл облысы әкімі Кәрім Көкірекбаевтан көмек сұрады, - деп хабарлайды Tengrinews.kz тілшісі. Бұл туралы облыс басшысы ҚР Президенті жанындағы Орталық коммуникация қызметінде өткен брифингте айтты.
"Жуырда мен бір сириялық азаматты қабылдадым. Ол Жамбыл облысында қазақ қызына үйленіпті, 3-4 баласы бар. Ол маған келіп пәтер беруімді және жұмысқа орналасуға көмектесуімді сұрады", - деді Көкірекбаев.
Соған қарамастан, әкім Жамбыл облысына Украинадан босқындардың көшіп келіп жатқаны жайлы ақпаратты жоққа шығарды. Журналистердің қойған сұрағына жауап берген ол: "Біз бұл туралы Интернеттен оқыдық, мұндай дерек жоқ", - деді.
Еске сала кетейік, жергілікті БАҚ-тар Украинадан 20 азаматтың елдің оңтүстік шығысында болып жатқан соғыс қимылдарынан қашып, Тараз қаласына келгені жайлы хабарлаған болатын. Босқындардың бірінің құжаты Жамбыл облысы ІІД көші-қон полициясында рәсімделіп жатыр. Бұдан басқа, "Новый регион" порталының мәліметінше, Жамбыл облыстық көші-қон ведомствосында өз отанын тастап, Тараз қаласында тұруды шешкен сириялық Альмухамад Свейда-Айеш Хасан деген азамат тіркелген. Медициналық білімі бар ер азамат Жамбыл облысындағы "Нұр Отан" партиясының филиалына мамандығы бойынша жұмысқа тұруға көмектесуін сұрап барған. Сириялықтың айтуынша, облыстық денсаулық сақтау басқармасы қазақстандық заңнама нормасына сәйкес, оған медицинада гастроэнтерология саласында жұмыс істеуге құқық бермей отыр.
