+7 (777) 001 44 99
Қазақша
Русский
English
Америкада скейтбордшы телехабар түсірілімі кезінде абайсызда журналист Майк Аморды басынан соғып кетті, - деп хабарлайды The Daily Mail.
Журналист Лос-Анджелес жағажайларының бірінде аты аңызға айналған скейтбордшы Тони Хоук туралы бағдарлама түсіріп жатқан. Стендап жазу кезінде Амор спортшылар өнер көрсетіп жатқан рампаға арқасын беріп тұрды.
Журналист студиямен байланысқа шығып сөйлеп жатты: "Сіздің скептицизміңіз түсінікті, мыңдаған спортшы..." Осы сәтте жүйткіп келген скейтбордшылардың бірі тақтайымен Аморды көкжелкесінен соғып өтті. Журналист соққыдан бүктетіліп қалса да, жағдайының жақсы екенін айтып бақты. Скейтбордшы өзінің абайсызда болған әрекеті үшін кешірім сұрады. Басылымның хабарлауынша, Амордың басында томпақ ісік пайда болған.
