+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Түркістан облысы Шұбарсу елді мекенінде мектеп бітіргеніне 20 жыл болған сыныптастар жалғызбасты көпбалалы анаға баспана сыйлады. Қуанышты сәттің видеосын актер Мадияр Серікбаев Instagram-да жариялады, - деп хабарлайды Tengrinews.kz тілшісі.
Түркістан облысы Шұбарсу елді мекенінде мектеп бітіргеніне 20 жыл болған сыныптастар жалғызбасты көпбалалы анаға баспана сыйлады. Қуанышты сәттің видеосын актер Мадияр Серікбаев Instagram-да жариялады, - деп хабарлайды Tengrinews.kz тілшісі.
Биыл Түркістан облысы Шұбарсу елді мекенінің 1985 жылы туған жастары 20 жылдық кездесу ұйымдастырды.
"Асқақ арманын арқалап үлкен қалаға кеткен әр түлек, туған жердің, ауылдың жағдайына үнемі алаңдап жүреді. Биылғы 20 жылдық кездесуде бір мұқтаж отбасына баспана сыйлады", - деп жазды актер.
Мадияр Серікбаев Луиза Садықова деген жалғызбасты, көпбалалы анаға үй берілгенін хабарлады.
"Бір баласы қатарынан қалып, ақыл-есі дамымай қалса, енді бір баласы интернатта оқиды. Балалардың тұңғышы 12 жаста екен.
Тағдыр тауқыметін кешіп, осы күнге дейін жоққа сабыр, азға қанағат еткен ана баспаналы болып, қатты қуанды", - дейді ол.
Видеодан қуанышты сәтті бөлісіп, кілт табыстауға Нұржан Төлендиев келгенін көруге болады. Ол кадрларда баспананы мектеп тәмамдағанына 20 және 30 жыл толған түлектер мен "Харекет" қоры бірлесіп сыйлағанын айтады.
Мадияр Серікбаев сазгер Асан Пердешов бастаған ауыл түлектері мен жомарт жандарға алғыс айтты.
Посмотреть эту публикацию в Instagram
Сілтемесіз жаңалық оқисыз ба? Онда Telegram желісінде парақшамызға тіркеліңіз!
