Талдықорғанда 8 жастағы бала қозыны 35 рет көтерді

Талдықорғанда Өтенай ауылының сегіз жастағы тұрғыны Қайсар Өмірсерік 35 рет қозы көтерді, - деп хабарлайды Tengrinews.kz тілшісі.

Жануардың салмағы - 14 келі. Кішкентай болғанына қарамастан, Қайсар бұл істе күші мен шеберлігін таныта білді.

Қайсарға тең келетін қарсылас болған жоқ. Ол ойын шартына сәйкес Наурыз мейрамына сыйлық ретінде малды алды.

Еске салайық, бұған дейін лақты 33 рет көтерген бала Қазнетті тәнті еткені хабарланған болатын. Сондай-ақ, Талдықорғанда 280 келі түйені көтерген ер адам жұртты таңғалдырған еді. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!