Талғар қаласына (Алматы облысы) "Бәйтерек" монументінің кішігірім көшірмесі тұрғызылды, - деп хабарлайды Tengrinews.kz тілшісі.
Металл құрылымның биіктігі шамамен 8,5 метр. Ол қараңғыда жан-жағына жарық беріп тұрады. Қалалық әкімдік өкілінің айтуынша, бұл монументті тұрғызу идеясы жергілікті билікке тиесілі және ол Тәуелсіздік күніне арналып отыр. 16 желтоқсанда монументтің ресми ашылуы болады деп жоспарланған.
© Tengrinews.kz
Астанадағы "Бәйтерек" монументі Қазақстан Республикасының Президенті Нұрсұлтан Назарбаевтың бастамасымен салынған - ол елордадағы ең негізгі көрікті жерлердің бірі. Биіктігі - 105 метр.
Айта кетейік, "Бәйтеректің" көшірмесі Өскеменде (28,5 метр), Екібастұзда және Аягөзде бар.
