"Ұмытылмас әсер". Ақтау тұрғыны қоқиқаздарды видеоға түсіріп алды

Дина Шарипханова Корреспондент

Фото: Instagram/@Mangistau_explorer

Ақтау тұрғыны бір топ қызғылт қоқиқаз түсірілген кадрларды жариялады, - деп хабарлайды Tengrinews.kz тілшісі.

"Табиғат тосынсыйға толы. Кейде жағымды, кейде жағымсыз. Бірақ бәрі жоспардағыдай болмайды. Сөйтіп отырғанда тосыннан керемет бонус. Бәрін ұмыттырып жіберді. Өте әдемі жаратылыс, оларды жақыннан көру - ұмытылмас әсер", - деп бөлісті Mangistau_explorer лақапатымен белгілі Instagram қолданушысы.

Посмотреть эту публикацию в Instagram

Публикация от Ruslan , Jeep tours🚙 (@mangistau_explorer)

Биолог және Еcojer қауымдастығының аймақтық экология кеңесінің мүшесі Әділбек Қозыбақов InAktau басылымына берген сұхбатында Маңғыстауда фламинго жыл бойы жүретінін айтты. Қыстауға бес мыңға жуық құс келеді, ал көктемде және күзде, яғни маусымдық қоныс аудару кезінде 20 мыңға дейін жетеді.

"Жазда фламинго аз - 1000-1200. Сондықтан басқа маусымдардағыдай байқалмайды. Жас құстардың түсі сұр, сондықтан адамдар бұл фламинго екенін білмейді", - деді Әділбек Қозыбақов.