Үш жасар алматылық Instagram жұлдызына айналды

24 Қыркүйек 2014, 18:15
0
Үш жасар алматылық Instagram жұлдызына айналды - Ілияс Саятұлы
Ілияс Саятұлы

Үш жасар алматылық Ілияс Саятұлы Instagram жұлдызына айналды, - деп хабарлайды Tengrinews.kz тілшісі.

Әлеуметтік желідегі баланың ата-анасы жүргізетін параққа 11 мыңнан астам оқырман тіркелді. Әрбір жаңа пост бірден қыруар лайк жинап, үздіктер қатарына қосылып жатыр. Қысқа бейнероликтерде бала әртістерге қосылып, танымал әндерді айтады, билейді. Кейбір жазбаларда сахнада тұрғандай кейіп танытады. Жазылушылар бүлдіршіннің шетел тіліндегі әндердің ырғағын қалайша жаттап алғанына таңғалады. Ата-анасының айтуынша, Ілиястың есте сақтау қабілеті жақсы, сол себепті ырғақтарды бірден іліп әкетеді. 

Баланың әкесі - Саят мәдениет саласында жұмыс істейді, анасы - Мәриям Думанова - SuperStar.kz байқауының соңғы маусымының финалисі және X-Factor жобасының жартылай финалисі. Ілиястың Instagram-дағы бейнежазбаларын #ильясикзвездаинтернета хештэгінің көмегімен тауып алуға болады.

 

Instagram-да балалардың атына ашылған аккаунттар танымал бола бастады. Мысалы, төрт жасар Райкер Виксом сондай аккаунттың арқасында ең сәнқой бала атанды. Оның ата-анасы баланың атақты жұлдыздардың стиліне сай келетін fashion-бейнелерін жариялап тұрады.

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай