Қазақстандық вайнер Темірхан Асылбек (лақапаты - TerriTima) қазақстандықтардың адамды мініп келген көлігіне қарай қалай күтетіні жайлы әзіл ролик түсірді, - деп хабарлайды Tengrinews.kz тілшісі
Вайнер видеоны Instagram желісіндегі парақшасында жариялады. Онда ролик авторы Lada, Toyota, Lexus және Джип мініп келген достарын қалай күтіп алатынын көрсетеді. Ролик бір тәулікке жетпей 500 мыңнан аса қаралым жинаған.
Осыған дейін қазақстандық вайнер түрлі көлік мінетіндердің жүріс-тұрысын дәл салып, жұртты күлдірген еді. Ролик авторы көлік маркасына байланысты мінезі өзгерген адамдарды салған еді.
