+7 (777) 001 44 99
Қазақша
Русский
English
Кәсіпкер Қайрат Жамалиевтің сатылған көлігін ақтөбелік жаңа иесі жүргізіп жүр, - деп хабарлайды Tengrinews.kz тілшісі Instagram желісіндегі Zello Aktobe парақшасына сілтеме жасап.
"Ламборгини қазір Ақтөбеде, ал осыдан екі күн бұрын ол көлікпен Мәскеуде жүрдік", - делінген белгісіз бір ер адамның Lamborgini тізгінінде отырғаны түсірілген видеода.
Сонымен қатар, пікір айтушылар жүргізушінің ақтөбелік белгілі кәсіпкер екенін айтып отыр. Олар көліктің жергілікті жолдарға арналмағаны туралы да жазып жатыр. Айта кетейік, осыған дейін елордалық кәсіпкер Қайрат Жамалиевке тиесілі Lamborghini көлігін Ақтөбе тұрғыны 30 миллион теңгеге сатып алғаны хабарланған болатын.
Еске салайық, Қайрат Жамалиевтің Lamborghini Gallardo автомобилі 27 сәуірде сатылған еді. Gosreestr.kz сайтындағы мәліметтерге сүйенсек, көліктің бастапқы құны 237 905 000 теңге болған. Автомобиль 30 451 840 теңгеге сатылды. Көлік 47 581 000 теңгеге бағаланды. Сонымен қатар, департамент өкілдері сатып алушы келісімшартқа қол қойғанға дейін келісімнен бас тарта алатынын айтты.
