Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Алматы зообағында кішкентай керік дүниеге келді

23 Қыркүйек 2014, 13:11
0
©Айжан Түгелбаева
©Айжан Түгелбаева
Керіктің ата-анасы. ©Айжан Түгелбаева
Керіктің ата-анасы. ©Айжан Түгелбаева

Алматы хайуанаттар бағында керіктің баласы дүниеге келді, - деп хабарлайды Tengrinews.kz тілшісі. Жануар 23 тамыз күні туылғанымен, оны көпшілікке бір ай өтпей көрсетуге тыйым салынған.

Хайуанаттар бағының "жаңа тұрғынының" ата-анасы - Хан және Сұлу атты керіктер. Хан - бақтағы керіктердің ұрпақ өрбітуіне себепкер "әке". Хайуанаттар бағының тарихында мұнда барлығы 10 керік туылған. 

Жаңа туған керік баласының салмағы 100 келіге жуықтайды, бойының ұзындығы - 1,5 метр. Бақтың тұяқтылар жөніндегі меңгерушісі Балабек Махатовтың айтуынша, керік еш қиындықсыз, аман-есен дүниеге келген. Оған әлі ат қойылған жоқ, Алматы хайуанаттар бағы керікке ең әдемі есім беру үшін қала тұрғындары арасында тағы да байқау жарияламақ.

Айта кетейік, бір жылдан астам уақыт бұрын Алматыда Алатау есімді керік туылған еді. Оның есімі мекеменің ресми сайтындағы және әлеуметтік желідегі дауыс берудің нәтижесінде қойылды.

Еске сала кетейік, Алматы хайуанаттар бағы "Менің биязы да нәзік жануарым" атты жобаны іске асырып жатыр. Оның қатысушылары бақтағы аңдарға қамқоршы бола алады. Жоба шартына сәйкес, ол адам хайуанаттар бағына келіп, өзінің сүйікті аңына тамақ бере алады, оның күнкөрісін бақылап тұра алады, ол үшін қатысушы тиісті қаражат аударуы тиіс. Ең қымбат жануар - піл, оған қамқоршылық жасау үшін 400 мың теңге төлеу қажет. Хайуанаттар бағында емен жаңғағын қабылдау жөнінде де акция басталды. Қатысушылар бір шелек емен жаңғағын жинап, бұл істі жалғастыруды келесі адамға табыс етуі керек, акцияға қатысушыларға хайуанаттар бағына тегін билет беріледі. Айта кетейік, емен жаңғағы тұяқты хайуандарға қорек болады.  


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай