+7 (777) 001 44 99
Қазақша
Русский
English
Қазақстандық пранкерлер Денис пен Макс Алматы көшелерінде "өзін жайсыз сезінген адам" туралы әлеуметтік экспериментті жасады. Экспериментті видеоға түсірген жігіттер оны YouTube желісіне орналастырды.
"Адамдар көмектесе ме, әлде бей-жай қалдырып кете бере ме - осыны көргіміз келді. Жалпы біз ресейлік RAKAMAKAFO арнасының жанкүйеріміз. Олардың тәжірибесін біз өзіміздің оңтүстік астанамызда өткіземіз", - дейді авторлар видеороликтің басында.
Жазбаның соңында пранкерлер нәтиже жайлы хабарлайды. "Түсірілім кезінде біз 50-ден астам рет құладық. Адамдардың 95 пайызынан көбі тоқтап, көмектесті! Бар болғаны 5 пайызы өтіп кетті... Адамдар, аяушылық білдіріңіздер. Оның орнынада барлығымыз болуымыз мүмкін", - деді Денис пен Макс.
RAKAMAKAFO жобасы 2014 жылдың жазында Ресей мен АҚШ тұрғындарының аяушылық сезімдерін тексерді. Авторлар жасырын камерамен адамдардың көшеде құлап қалған азаматқа қалай көмектесетінін жазып алды.
"Человеку плохо / Russia vs. USA Experiment" деп аталған видео аз уақыттың ішінде Интернетте аса көп көріліп, қызу пікірталасқа түсті. Роликте америкалықтардың Ресей азаматтарына қарағанда құлап жатқан адамға бей-жай қарамай, көмектесетінін көруге болады. Бірақ тәжірибе авторларын жалған, алдын ала дайындалған видео жасады деп айыптаушылар да табылды.
