Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Қазақстанның көне төрт қаласы ЮНЕСКО тізіміне енгізіледі

14 Мамыр 2016, 15:13
0

Қазақстанның көне төрт қаласын ЮНЕСКО Дүниежүзілік мәдени мұралар тізіміне енгізу жоспарланып отыр. Бұл туралы ЮНЕСКО және ИСЕСКО істері жөніндегі ҚР Ұлттық комиссиясының отырысында ҚР мәдениет және спорт министрі Арыстанбек Мұхамедиұлы мәлімдеді, - деп хабарлайды Tengrinews.kz тілшісі премьер-министрдің ресми сайтына сілтеме жасап.

"Қазір біздің мақсатымыз - Ұлы Жібек жолының одан арғы жалғасын тізімге енгізу. Сонымен қатар, Ұлы Жібек жолының Сырдариядағы бөлігі және Сығанақ, Отырар, Сауран, Сарайшық қалаларының көне орындары енгізіледі. Таяу арада ЮНЕСКО отырысында біз осы ұсынысымызды енгізе аламыз", - деді Мұхамедиұлы.

Оның айтуынша, сәйкес номинацияларын тағайындау нәтижесінде ЮНЕСКО Қазақстанға реставрациялау жұмыстарын жүргізуге көмектеседі. "Мысал ретінде өткен жылы Қожа Ахмет Яссауи мавзолейін реставрациялау кезінде үлкен мәселе туындағанын айта аламын, сол кезде ЮНЕСКО тарапынан көмек көрсетілді", - деп баса айтты ол.

Министр Сарайшық қаласының сәулеттік келбетін сақтауға алаңдайтынын білдірді. "Сарайшық облыстық басқарманың назарындағы нысан ғана емес, Дүниежүзілік мұра нысаны мәртебесін алса деп тілейміз. Сонда біз басқа да қаражаттарды тарта аламыз", - деп түсіндірді министр.

ҚР МСМ басшысы айтып өткендей, Қазақстанда ЮНЕСКО бастамасымен мәдениеттерді жақындастырудың мамандандырылған орталығы жұмыс жасайды, оны академик әрі археолог Карл Байпақов басқарады. "Осы орталықтың арқасында ЮНЕСКО-мен ғана емес, әлемнің басқа да ірі мәдени орталықтарымен өзара іс-қимылының арқасында көп есе белсенді болады. Біз қазақ хандығының 550-жылдығының арқасында Қазақстанда алғаш рет Көне Тараз археологиялық қалашығын ұйымдастырдық", - деді ол.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай