+7 (777) 001 44 99
Қазақша
Русский
English
Қазақстандық Әлия Мергенбаева "Әлем аруы-2016" конкурсынан шығып қалды, - деп хабарлайды Tengrinews.kz тілшісі. Бұл туралы "Қазақстан аруы-2015" байқауының жеңімпазы өзінің Instagram парақшасында жазды.
Өзінің парақшасына жазылушыларға ол "Әлем аруы" конкурсының кезеңдері қалай өтіп жатқанын жазып, болып жатқан шаралар өзіне ұнағанын атап өтті. Оқырмандардың кезеңнен өте алдыңыз ба деген сұрағына, Әлия жоқ деп жауап қатты. "Өкінішке қарай, мен өте алмадым", - деп жазыпты Мергенбаева.
Әлия Мергенбаева (оң жақта) конкурсқа қатысушылармен бірге. Сурет "ВКонтакте" желісінен.
"Әлем аруы-2016" конкурсының финалы 18 желтоқсанда өтеді. 25 қарашада өз елінің сұлулары атанған қыздар АҚШ астанасы Вашингтонда жиналды. Ол жерде арулар конкурсқа барынша дайындалып, қайырымдылық шаралары мен фотосессияларға, спорттық және әлеуметтік шараларға қатысып жүр. Биыл жеңімпазға "Әлем аруының" тәжін испаниялық Мирея Лалагуна кигізетін болады.
