+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Астаналық 18 жастағы оқушы Рахат Көшкінбаев сән әлеміндегі ең танымал брендтердің бірі - Balenciaga-ға қалай модель болғанын айтып берді, - деп хабарлайды Tengrinews.kz тілшісі.
Астаналық 18 жастағы оқушы Рахат Көшкінбаев сән әлеміндегі ең танымал брендтердің бірі - Balenciaga-ға қалай модель болғанын айтып берді, - деп хабарлайды Tengrinews.kz тілшісі.
Рахат Көшкінбаев Астанада дүниеге келген, №10 мектептің 11 сыныбында оқиды. Ол достарымен баскетбол, футбол және волейбол ойнағанды ұнататын қарапайым мектеп оқушысы.
Бірақ бірнеше күн бұрын ол танымал Balenciaga сән үйінің көрсетіліміне қатысқан алғашқы қазақстандық болды. Рахат модельдік бизнеске 2021 жылы келген. Достары оған модель болып көруге кеңес берген.
"Достарым модельдік келбетім бар екенін, агенттікке бару керек екенімді айтты. Бастапқыда басқа агенттікке тіркеді, бірақ бір жыл бойы танымал және қызықты ештеңе жасамадым, сосын басқа модельдік агенттікке ауыстым. Жаңа агенттікпен келісім-шартқа отырдым, 4 күннен кейін Миланға қоңырау соқты. Осылай мансабым басталды", - деді астаналық оқушы.
2023 жылдың қаңтарында Рахат Balenciaga бренді оған қызығушылық танытқаны туралы хабарлама алған.
"Әрине, басында сенбедім, содан кейін маған барлық мәліметті айтып берді, мен таңғалдым, қатты қуандым. Balenciaga - менің сүйікті брендім, бұл жаңалық мені таңғалдырды.
Дайындыққа бір ай уақыт болды, денемді дайындап, ағылшын тілін үйрендім, шенген визасын алдым", – дейді ол.
1 наурызда қазақстандық Парижге барған. Ұшу, тұру, қалта және виза шығындарының бәрін танымал бренд көтерген.
"Бұл өмірімдегі ең бірінші көрсетілім болды және бірден Balenciaga. Маған басқа керемет брендтер де қоңырау шалады деп үміттенемін, агенттерім жұмыс істейді, олар нағыз кәсіпқойлар. Мен биыл тағы 4 көрсетілімге қатысқым келеді. Менің сүйікті брендтерім - Balenciaga, Diesel, Yves Saint Laurent, Maison Margiela және Rick Owens. Олардың біреуі орындады, төртеуі қалды", - деп бөлісті Рахат.
Balenciaga - 1917 жылы Испанияда негізі қаланған француз сән бренді. Бүгінде ол жоғары сапалы сәнді киімдер, аяқ киімдер, аксессуарлар мен парфюмерия ұсынатын сән әлеміндегі ең танымал брендтердің бірі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
