+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
2014 жылы Қазақстанның вице-аруы атанған Әмина Қожанова Бакуде өткен дизайнерлер байқауында "Бәйтерек" кескінінде әрленген сәукелемен шықты, - деп хабарлайды Tengrinews.kz тілшісі. Осы және басқа да кейіптері үшін ол үздік модель атанды.
2014 жылы Қазақстанның вице-аруы атанған Әмина Қожанова Бакуде өткен дизайнерлер байқауында "Бәйтерек" кескінінде әрленген сәукелемен шықты, - деп хабарлайды Tengrinews.kz тілшісі. Осы және басқа да кейіптері үшін ол үздік модель атанды.
Бакудегі Dress Of the World 2019 халықаралық байқауына әлемнің дизайнерлері мен модельдері қатысты. Қазақстан атынан екі модель және дизайнер шықты. Әмина Қожанова модельдер арасында бірінші орынға ие болып, Miss World Beauty Championship атағын жеңіп алды. Ол бас жүлде ретінде - Beauty of The World дүниежүзілік сұлулық конгрессінің байқауында өз елінің атынан өнер көрсетуге мүмкіндік алды. Қазақстанның екінші қатысушысы-Сандуғаш Әбдірхан Best Photo Model номинациясына ие болды.
"Бакуде мен алғаш рет болдым, ұйымдастырушылар бізді өте тамаша қарсы алды. Қаланың барлық көрікті жерлерін көрсетті. Мен үшін әр конкурсқа қатысу - бұл үлкен өмір мектебі. Бұл менің дамуым. Мен өз ісімді өте жақсы көремін. Мен осында келіп, осындай ауқымды шараға қатысып, марапатпен үйге оралғаныма өте қуаныштымын", - деді Әмина Қожанова.
© Instagram @amina_kozhanova
"Бәйтерек" түріндегі саукеленің авторы қазақстандық дизайнер Галина Биляк. Өз туындысы үшін ол Бакудегі байқауда үшінші орынға ие болды. Модельердің айтуынша, "Бәйтеректі" орындау үшін ол қарапайым материалдарды пайдаланған: негізгі мата мен тығыздауға арналған материалдар. Шарды дайындау үшін пенопласт қолданған. Бас киім бір аптада жасалған.
Әмина Қожанова және Галина Биляк
"Бас киімі жасау идеясы аяқ астынан келді, көйлек дайын болған кезде, маған бір нәрсе жетіспейтін болып көрінді. Бұл жерде мен ансамбльді дипломдық жұмысқа қалай дайындағанын және заманауи саукеле дайындағаным есіме түсті. Ұлттық нақышта үйлену бас киімі маған бірден ұнады. Қазір мен Астанада сол жағалауда "Бәйтерек" жанында тұрамын және оны құрған күннен бастап күн сайын өтіп бара жатып, оның ұлылығы мен сұлулығын тамашалаймын", - деді Галина Биляк.
Әмина Қожанованың көйлегі "Аспан асты" - деп аталады. Ол ою түрінде алтын ендірмесі бар көгілдір түсте орындалған. Көйлектің артқы жағында Қазақстанның туы бейнеленген жамылғы бар.
Галина Биляктың көйлегі. © Әмина Қожанова
