+7 (777) 001 44 99
Қазақша
Русский
English
Шанхайда өтіп жатқан жарыстың үшінші айналымында қазақстандық тенннисші Михаил Кукушкин сербиялық Новак Джоковичпен кездеседі, - деп хабарлайды Vesti.kz.
Екінші айналым жарысында Михаил Кукушкин Оңтүстік Африка республикасының өкілі Кевин Андерсонды 6:4, 6:2 есебімен жеңген болатын. Джоковичтің жарыста қалай өнер көрсеткенін мына жерден оқи аласыздар. Еске сала кетейік, жарыстың бәйге қоры 4,1 миллион доллар.
Айта кетейік, сербиялық спортшы АТР рейтингінде бірінші орында тұр, ал Михаил Кукушкин 85-орынға жайғасқан. Мұның алдында қазақстандық спортшы АҚШ-та өткен "Челленджер" турнирінің жекелей сынында финалға дейін шыққан болатын. Алайда кипрлік Маркос Багдатистен 6:7, 4:6 есебімен ұтылған еді. Жарыс 1 сағат 45 минутқа созылған. Жартылай финалда қазақстандық спортшы теннис алаңының иесі Уильямс Ричардты 6:2, 6:2 есебімен жеңген. Бұдан бұрын АҚШ-та өткен "Челленджер" турнирінде Кукушкин жапониялық Ясутаку Учияманы 6:2, 6:3 есебімен, екінші айналымда британдық Джеймс Уордты 6:3, 6:4 есебімен ұтқан.
Айта кетейік, жақында ғана өткен жазғы Азия ойындарында Михаил Кукушкин "алтынға" қол жеткізген болатын. Финалда теннистен Қазақстан командасы Қытай құрамасынан 2:0 есебімен басым түсті. Александр Недовесов қытайлық У Диді ешқандай қиындықсыз (6:4, 6:0 есебімен) жеңген. Ал Кукушкин Цзе Чжанды 6:0, 3:6, 6:2 есебімен ұтқан еді.
