Зарина Дияс - әлемнің теннисші қыздарының үздік елулігінде

Зарина Дияс тұңғыш рет WTA нұсқасы бойынша әлемнің теннисші қыздарының үздік елулігіне енді, - деп хабарлайды Vesti.kz.

Жаңартылған рейтингте Дияс 46-орынды иеленді, өткен аптамен салыстырғанда, ол бірден алты орынға көтеріліп отыр.

Зарина Дияс - Қазақстанның төл азаматтары арасынан ТОП-50-ге енген тұңғыш теннисші. Бұған дейін осы тізімге Қазақстан азаматтығын алған Ярослава Шведова, Галина Воскобоева, Ксения Первак сияқты спортшы қыздар енген еді, оның ішінде, Первак бүгінде Қазақстанның атынан өнер көрсетпейді. 

Бұл жөнінде мына жерден толығырақ оқи аласыздар. 

Мұның алдында Зарина Дияс Қазақстанның бірінші ракеткасы атанған болатын.