+7 (777) 001 44 99
Қазақша
Русский
English
Қазақша
Русский
English
20 жастағы қазақстандық теннисші қыз Зарина Дияс WTA рейтингінде Ярослава Шведованы озып, Қазақстанның бірінші нөмірлі теннисшісі атанды, - деп хабарлайды Vesti.kz.
Зарина еліміздің бірінші нөмірлі теннисшісі атанғанымен оның WTA тізіміндегі орны өзгермеді. Ол Вашингтонда өткен турнирдің екінші айналымына өткеннен кейін рейтингтегі 53-орнын сақтап тұр. Диястың еншісінде 1019 ұпай бар. Ярослава Шведова болса, рейтингте екі саты төмендеп, 54-орынға тұрақтады.
Ал қазақстандық өзге теннисшілерге келетін болсақ, Галина Воскобоева 119-орынға, Юлия Путинцева 164-орынға, Сесиль Каратанчева 173 орынға табан тірепті. WTA тізімінің көшбасшылар қатарында өзгеріс жоқ. Бірінші орында америкалық теннисші қыз Серена Уильямс тұрса, екінші орында - қытайлық Ли На. Үздік үштікті румыниялық Симона Халеп түйіндеп тұр.
Айта кетейік, үстіміздегі жылы Зарина Дияс екі бірдей "Үлкен дулыға" санатындағы турнирлерге қатысты. Оның біріншісі Australian Open додасында ол үшінші айналымға дейін жетсе, "Уимблдон" додасының 1/8 финалына шықты.
