+7 (777) 001 44 99
Қазақша
Русский
English
Қырғызстанның Ыстықкөл облысы Тоң ауданындағы Байбосын қорығында орнатылған камераға ойнап жүрген барыстың күшіктері түсіп қалған, - деп хабарлайды Tengrinews.kz тілшісі АКИpress сайтына сілтеме жасап.
Қорық басшысы Батырбек Акматовтың айтуынша, видео 2 қарашада тауда 3500 метрден аса биікте түсірілген.
Шамамен 5-6 айлық екі күшігі бар аналық қар барысы күні бойы камера орнатылған жерде жүрген. Осы уақыт ішінде барыстар камера алдында ойнаған. Камераға қозғалыс әсер ететіндіктен, оның жады бірнеше сағаттан кейін толып қалған.
© Facebook/baiboosun.naturereserve
"Бейнебақылау камералары үш жыл бұрын орнатылды, сол кезден бастап өз аумағымыздағы барыстардың санын шамамен есептей аламыз. Шамамен алты барыс деп ойлаймыз. Қорықта барыстардан басқа сабаншылар, мартендер, сілеусіндер, тау ешкілері бар", - деді Акматов.
Күшіктер камераға сирек түсіріледі, сондықтан экологтар бұл кадрлар арқылы Қызыл кітапқа енген жануарлар туралы білуге мүмкіндік туды деп санайды.
Көрші шатқалға орнатылған бейнебақылау камерасы биыл көктемде басқа қар барысын түсіріп алған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
