+7 (777) 001 44 99
Қазақша
Русский
English
Әскери-әуе күштері армия авиациясының Ми-171 тікұшақтары Қостанай облысындағы өртті сөндіруге жұмылдырылды, - деп хабарлайды Tengrinews.kz тілшісі ҚР Қорғаныс министрлігінің баспасөз қызметіне сілтеме жасап.
Өртті әуеден сөндіру үшін арнайы аспа жүйесі бар Ми-171 тікұшағы пайдаланылған. Қорғаныс министрлігі баспасөз қызметі мәліметінше, өрт сөндіру жүйесі бар Ми-17 тікұшақтарының тағы үшеуін бөлу жоспарланған.
"Резервуарға үш мың литр су сыйады. Қазірдің өзінде 60 мың литрге жуық су төгілді. Жағдайды қою түтін қиындатып отыр", - деді министрліктің баспасөз қызметі өкілдері.
Сонымен қатар, әуе шабуылы әскерлерінің жеке құрамы апат аймағына ауыстырылған. 200-ге жуық десантшы көмек көрсетеді.
"Әскери авиация ұшқыштарының тәжірибесі мол, өйткені жауынгерлік дайындық бағдарламасына жету қиын аймақтардағы өртті сөндіру бойынша жаттығулар кіреді", - деп хабарлады Қорғаныс министрлігінің баспасөз қызметі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
