Tengrinews Tengrinews TV Tengri FM Жұлдыз FM Победители Обещания Законы Казахстана

"Орел и решка" бағдарламасы Алматыда қалай түсірілді

14 Қазан 2015, 14:32

0
Алматыдағы түсірілім кезінде. © Yelena Sergiyenko
Алматыдағы түсірілім кезінде. © Yelena Sergiyenko

Қазан айының басында ресейлік және украиналық телеарналардың эфиріне Алматы туралы "Орел и решка. Шопинг" бағдарламасы шықты. Түсірілімнің барлық күнінде командамен бірге болған фотограф Елена Сергиенко Tengrinews.kz  тілшісіне оңтүстік астанадағы түсірілім жұмыстарының қалай өткенін және бағдарламаға қандай кадрлардың кірмей қалғанын әңгімеледі.

© Yelena Sergiyenko

Түсірілімнің дайындық жұмыстары түсіру тобы келгенге дейін бірнеше күн бұрын басталыпты. Режиссерлер қаланы алдын ала зерттеп, ерекшеліктерін іздеп, түсірілім туралы келіскен. Бағдарлама түсірілімі бірден бірнеше қалада болды. Алматы сол тізімде бірінші шаһар болған жоқ, сондықтан оларға бір күн демалыс берілді.

Қазақстанға келгеннен кейін тележүргізуші Мария Ивакова әжесіне Теміртауға ұшып кетті, ал Антон спортзал іздеді.

Түсірілім таңертең ерте басталды. Жүргізушілердің сценарийлері болмаған, мәтіннің барлығы - тосыннан айтылған. "Бастапқы қойылымды су бұрқақтардың жанынан бастадық, көпшілік жақындап келіп қолтаңба алып, суретке түсті. Күн ыстық еді, Маша жоспарды өзгертіп жатқанда су бұрқаққа секіріп кетті, - деді Елена Сергиенко, - Біздің халық өте мейірімді әрі қонақжай. Біз Сержан Башировқа барғанда түсірілімнен кейін оның ерекше киіз үйіне бардық, керемет безендірілген екен, бізді дастарханға шақырды. Киіз үйдің жанында отырып шәй іштік, табиғаттың аясында - бұл бір ғажап болды", - деді ол.

"Көрпелерді түсіруге барғанда кіретін жерді ұзақ іздедік, себебі лифтпен бесінші қабатқа көтеріліп, баспалдақпен төртінші қабатқа жаяу түсу керек болды. Ол жерде керемет бұйымдарды қолдан жасайтын адамдар жұмыс істейді екен. Іште түсірілім жұмыстары жүріп жатқанда біз продюсер екеуміз дәлізде тұрған орындықтарға отыра тұруды шештік. Дәлізде самал есіп тұрды, бізден басқа ешкім жоқ. Бір кезде көршілес есіктен бір әйел шығып, орындықтарымнан тұрыңдар деп бұйырды. Оның айтуынша, қожайындар оның орындықтарына отырғандарды көріп отырады және жалға алу ақысын көтереді. Біз орындықтарға бізге дейін және бізден кейін неліктен ешкімнің отырмағанын сол кезде бірден түсіндік", - деді фотограф.

Орталық базардағы түсірілім жұмыстары аяқталып қалғанда белгісіз біреу Машаға ыстық нан ұсынды.

Елена Сергиенконың айтуынша, кадрлардың барлығы бірдей бағдарламаға кірмеген. "Навои көшесінің бойындағы "Сәуле" дәмханасында керемет кадрлар түсірілді, біз саяхатшыларға ол жердің тамаша кәуабы туралы айтқымыз келді. Біз тіпті барахолкаға бардық, бірақ ол жерде біздің шеберлердің қолынан шыққан ештеңе болмай шықты", - деді ол.

Команда "Орман ертегісіне" келіп, түсірілім жұмыстарын жүргізіп жатқанда, баспалдақта құбыршекті ұстап тұрған ер адам құлап түсті, абырой болғанда ешкім зардап шеккен жоқ.

 

"Шопинг" - 2014 жылы 15 ақпанда эфирге шыққан "Орел и решка" бағдарламасының қосымша жобасы. Ұзақтығы 40 минутқа созылатын бағдарламаның жүргізушілері дүкендердің, базарлардың, қала дәмханаларының атауын көрсетіп, ондағы заттардың бағасы туралы әңгімелейді. Бағдарлама жүргізушілері - модель әрі тележүргізуші Мария Ивакова мен музыкант Антон Лаврентьев.

Добавить комментарий
Еще больше путешествий
The New York Times 2017 жылы Қазақстанға баруға кеңес береді

Рейтингте Қазақстан 26-орында тұр.

0 230
Қазақ Географиялық Қоғамы Балхашта жол апатына ұшыраған саяхатшыға көмек көрсетті

Дэвид Клинтон жолда болған түрлі оқиғалар жайлы егжей-тегжейлі айтып берді.

0 82
Қазақстанда сыртқа шығу туризмі саласында азаматтардың құқығына кепілдік беру жүйесі енгізіліп жатыр

Қазақстан Республикасының туристерін елге қайтару үшін арнайы есепшот ашылатын болды.

0 87
Филиппиндік балықшы 10 жыл бойы 100 миллион доллар тұратын 34 келі інжу тасты сақтап келген

Балықшының табысы бүгін тұңғыш рет жұртшылыққа көрсетілді.

0 1 135
Показать больше путешествий
Оставайтесь на связи
Подпишитесь

на рассылку, чтобы узнавать все новости первым.