31 шілде 2016 | 12:37

16 жолаушысы бар әуе шары құлады: Тірі қалған ешкім жоқ

Америкалық Техас штатында әуе шарының жазыққа құлауынан 16 адам қаза тапты. Қайғылы оқиға сенбі күні таңертеңгі уақытта болған және АҚШ тарихында осындай ең көп қаза тапқан қайғылы оқиға ретінде қалды, - деп хабарлайды Fox News.

Америкалық Техас штатында әуе шарының жазыққа құлауынан 16 адам қаза тапты. Қайғылы оқиға сенбі күні таңертеңгі уақытта болған және АҚШ тарихында осындай ең көп қаза тапқан қайғылы оқиға ретінде қалды, - деп хабарлайды Fox News.

Жергілікті билік өкілдерінің алдын ала мәліметі бойынша, туристер мінген аэростат жоғары вольтты электр желілеріне тиіп кетіп, өрт шығып, артынша Локхарт қаласының маңындағы жазыққа құлаған. Оқиға штат астанасы Остин қаласынан 30 шақырым жерде болды. Бортта отырған адамдардың ешқайсысы тірі қалмаған.

Қайтыс болғандардың есімдері әлі жарияланған жоқ. Белгілісі, әуе шарын ұшқыш Скип Николс (Skip Nichols) басқарған. Ол аэростаттарды жалға беру компаниясының қызметкері әрі иесі.

Телеарнаның хабарлауынша, әуе шары туристермен сағаттық ұшулар жүргізген. Шар әуеге көтерілгеннен кейін жарты сағаттан соң апатқа ұшыраған. Бір куәгердің айтуынша, ол алдымен қатты шудың шыққандығын естіген, содан кейін ол әуеден үлкен отты шарды көрген.

Америкалық БАҚ оқиға орнынан куәгерлердің түсірген суреттері мен видеоларын жариялауда.

қазақ тілінде жаңалықтар Қаза соңғы жаңалықтар АҚШ Апат