+7 (777) 001 44 99
ПОДЕЛИТЬСЯ
Ресейде сириялық лаңкестердің шабуылына тойтарыс берген арнайы қызмет тобы марапатталды. "Россия-24" телеарнасының мәліметінше, арнайы қызметтің 16 жауынгерінен құрылған топ 300 содырға қарсы соғысқан. Топ командирі подполковник Данила (Фамилиясы аталмайды) мен үш офицер Сириядан Мәскеуге арнайы шақыртылған.
Ресейде сириялық лаңкестердің шабуылына тойтарыс берген арнайы қызмет тобы марапатталды. "Россия-24" телеарнасының мәліметінше, арнайы қызметтің 16 жауынгерінен құрылған топ 300 содырға қарсы соғысқан. Топ командирі подполковник Данила (Фамилиясы аталмайды) мен үш офицер Сириядан Мәскеуге арнайы шақыртылған.
Данилаға Ресей Батыры атағы берілсе, қоластындағы үш жауынгерге әскери наградалар табыс етілген. Марапатқа Алеппо провинциясындағы "Джабхат ан-Нусра" содырларына қарсы тойтарыс беру бойынша сәтті өткен операция себеп болған. Подполковниктің айтуынша, 16 ресейлік екі күн бойы шабуыл жасап, қорғанысты бұзып өтпекші болған 300 лаңкеске тойтарыс берген.
Лаңкестер минометтер, танктер, жендеттер отырған брондалған көліктер, болат қалпақтарымен қаруланған булльдозерлерді қолданса да, территорияны басып ала алмаған.
"Бізде адам шығыны болмады. 300-ге дейін содырлар басып келді. Бірақ позициямыз жақсы әрі жігіттердің дайындығы мықты болғандықтан өлім-жітімсіз шықтық. Алға қойылған міндеттерді орындап, соңына дейін күрестік", - деді офицер.
