+7 (777) 001 44 99
Қазақша
Русский
English
Бішкекте криминалдық милиция қызметінің жедел уәкілі Бердібай Элакунов қайтыс болды, - деп хабарлайды "Вечерний Бишкек".
Дереккөз мәліметінше, ер адам ауруханада көз жұмған. Өлімнің себебі анықталып жатыр. Алдын ала мәлімет бойынша, ер адамнан пневмония анықталған.
Сондай-ақ, таяуда Элакуновтың коронавирустың қаупі туралы видео жариялағаны белгілі болды. Ол видеода аппаратқа қосылып, әрең сөйлеп тұрған екен.
"Жігіттер, саламалейкум! Сақ болыңыздар. Бұл қорқынышты, өте қорқынышты ауру екен. Сондықтан сақ болыңыздар. Маска тағыңыздар. Мұнда ұлттық аурухана адамдарға толы. Әлі қабылдамай жатыр. Оларды қаншама жедел жәрдем көлігі тасып жатыр. Қалада жағдай қорқынышты", - деген науқас.
Бұл видео желілерде тарап кетті.
Айта кетейік, бүгінде Қырғызстанда коронавирус жұқтырғандардың саны 5 мыңнан асып кетті. 2 мыңнан аса адам сауығып, 57 адам қайтыс болған.
Қазақстан жаңалықтары. Соңғы жаңалықтар. Telegram желісінде бізге жазыл!
