73 жылға сотталып, қыз болып қашқан қылмыскер өлі табылды

07 Тамыз, 09:43
0
73 жылға сотталып, қыз болып қашқан қылмыскер өлі табылды - Фото globo.com сайтынан
Фото globo.com сайтынан

Бразилия түрмесінде бұған дейін әйел кейпінде абақтыдан қашуға тырысқан сотталушы өлі табылды, - деп хабарлайды РЕН ТВ.

Өткен сенбіде сотталушы Клаувино да Силва өзінің 19 жастағы қызының киімімен түрмеден қашпақ болған сәтте оны күзетшілер ұстап алған болатын. Полиция қыз кейпіне енген сотталушыны "Жерисино" түрмесінен шығар кезде ұстаған.

Желіде тараған видеодан ер адамның өзінен резеңке маска, парик пен әйелдерге арналған киімді шешіп жатқанын көруге болады. Наркобаронға бұл заттарды түрмеге келген аяғы ауыр әйел беріп кеткен. Оны күзетшілер тексермеген екен. 

Осы оқиғадан соң ер адам Рио-де-Жанейродағы түрмеде өлі табылды. Әкімшілік ақпараты бойынша, қылмыскер асылып өлген. Енді сотталушының өліміне қатысты тексеріс басталды. 

Айта кетейік, 42 жастағы банда басшысы 73 жылға бас бостандығынан айырылған болатын. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай