Malaysia Airlines жоғалған ұшағын іздеу аймағы кеңейе түспек

24 Наурыз 2014, 11:03
0
Malaysia Airlines жоғалған ұшағын іздеу аймағы кеңейе түспек - blog.malaysia-asia.my
blog.malaysia-asia.my
Malaysia Airlines әуекомпаниясының Boeing 777 жоғалып кеткен ұшағын іздеу аймағы Францияның спутник деректеріне орай кеңейтіле түспек деп хабарлайды РИА Новости..

Франция спутнигі іздеу аймағынан солтүстікке қарай 850 шақырымдай жерде ұшақ қалдықтарына ұқсайтын нысандарды анықтаған. Қазіргі таңда халықаралық іздеу фокусі Үнді мұхитының оңтүстігіне, Автралияның оңтүстік-батысына бағытталған. Өткен аптада Австралия теңіз қауіпсіздігі басқармасы Перт қаласынының оңтүстік-батысына қарай 2,5 мың шақырымдай жерде 2 нысан тауып алғандығы туралы хабарлаған болатын. Кейіннен ҚХР басшылығы Үнді мұхиты маңынан шамамен 120 шақырымдай жерде күдікті нысандар анықтағанын айтқан болатын.

Сондай-ақ іздеу жұмыстарына қытайдың екі ұшағы қосылғаны туралы да белгілі болған еді. ИЛ-76 ВВС қытай ұшақтары іздеу аймағы оңтүстікке ойысқан кезде іздеу жұмыстарына қосылған болатын. 24 наурызда іздеу операцияларына барлығы 10 ұшақ атсалыспақ. Австралия, Қытай ұшақтарынан басқа АҚШ, Жапония, Жаңа Зеландия ұшақтары іздеу операцияларына қатысады.

Куала-Лумпурдан Бейжіңге бағытталған, бортында 227 жолаушысы, 12 экипаж мүшесі бар әуе лайнері 8 наурыз түні ешқандай белгі берместен радардан жоғалып кеткен. Соңғы байланыс кезінде ол Малазия шығыс жағалауынан 220 шақырым жерде болған. Ұшақтағы 4 жолаушы жалған құжатпен отырған. Олардың екеуі ирандық азаматтар екені анықталды. Бүгінде ұшақтың жоғалуына қатысты түрлі болжамдар айтылуда. Біреулер ұшақта террорлық әрекет орын алды десе, біреулер ұқшқыш өзіне өзі қол жұмсады дейді.

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай